- ट्रेण्डिङ :
कुवेतमा आजबाट कर्फ्यूको समय परिवर्तन भएको छ । कुवेतमा कोरोना भाइरसको बढ्दो सङ्क्रमण रोक्नको लागि आजबाट अर्को सूचना जारी नभए सम्मको लागि दैनिक दश घन्टा कर्फ्यू लागू हुने भएको छ ।
आजबाट साँझ सात बजे देखी बिहान पाँच बजे सम्म कर्फ्यू लगाउने कुवेत सरकारले जनाएको छ । गत मार्च ७ तारिक देखी साँझ ५ बजेबाट बिहान ५ बजेसम्म कर्फ्यू लगाएको थियो भने उक्त निर्णयलाई परिवर्तन गर्दै पुनः मार्च २३ तारिक देखी साँझ छ बजे देखी बिहान पाँच बजे सम्म कर्फ्यू लागू गरेको थियो । तर कुवेतमा कोरोना भाइरस सङ्क्रमण दिनानुदिन बढिरहेको छ ।
इस्लाम धर्मावलम्बीहरूको महान चाड (रमादान इद–अल फितरको) अवसरमा भने रेस्टूरेन्टहरुलाई साँझ ७ बजे देखी बिहानको ३ बजे सम्म डेलीभरी उपलब्ध गराउन अनुमति दिइएको छ । त्यसैगरी साँझ ७ बजे देखी १० बजेसम्म सवारी साधन बाहेक आवासीय क्षेत्र भित्र आवतजावत गर्ने अनुमति दिएको छ । आज देखी उक्त निर्णयको लागू हुने भएको छ।
