शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
काठमाडौं।प्रधानमन्त्री केपी शर्मा ओली र वरिष्ठ नेता माधवकुमार नेपालबिच आज फेरि वार्ता सुरु भएको छ। नक्सालस्थित मेरियट होटलमा दुवै नेता एक्लाएक्लै वार्तामा छन्। वार्तास्थल नागपोखरीस्थित होटल परिसरमा सुरक्षा व्यवस्था कडा पारिएको छ।
विहीवार ओली र नेपालबिच दुई घण्टा कुराकानी भए पनि कुनै निष्कर्ष निस्किएन । आज बिहान बल्खुस्थित पार्टी कार्यालयको शिलान्यास गर्न ओलीले नेपाललाई आग्रह गरेको भए पनि नेपालले भने अस्वीकार गरेका थिए ।
हिजोको वार्तामा नेपालले नेकपा एमाले २०७५ जेठ २ को अवस्थामा फर्कनुपर्ने अडान राखे पनि ओलीले पुरानै ठाउँमा फर्कन नसकिने भन्दै उनको प्रस्ताव अस्वीकार गरेका थिए ।
ओलीले पार्टी कार्यालय उद्घाटन कार्यक्रममा नेपालले देशभर नयाँ पार्टी खोलेको आरोप लगाएका थिए भने नेपालसहितका १५ नेताले पनि ओलीकै कारण पार्टी विभाजनको डिलमा पुगेको दावी गरेका थिए ।
पछिल्लो समय एमालेभित्र दुई धारमा अन्तरद्वन्द्व चर्किँदै गर्दा दुई नेताबिचको कुराकानीले कार्यकर्तामा सकारात्मक सन्देश गएको छ।
