सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
बर्दिया । नेपाली कांग्रेस बर्दिया कार्यसमितिका कार्यवहाक सभापतिसहितका नेता तथा कार्यकर्तालाई हातापात गरेको भन्दै नेपाली कांग्रेस बर्दिया कार्यसमितिका ४४ जनाले सामुहिक राजीनामा दिएका छन्। शुक्रबार गुलरियामा अयोजित पत्रकार सम्मेलनमा बोल्दै कार्यबाहक सभापति मिश्रीलाल यादवले आफूहरुमाथि गुण्डा लगाएर निन्दनीय कार्य भएको भन्दै सामूहिक राजीनामा दिएको बताए ।
बर्दिया क्षेत्र नम्बर १ का पार्टी क्षेत्रीय सभापति मुक्तिनाथ यादवले गुण्डा परिचालन गरी कार्यवहाक सभापति मिश्रीलाल यादव लगायतका नेतालाई हातपात गर्नुका साथै कार्यालय बन्द गरेको र उनीहरूले सामूहिक राजीनामा दिएको बताएका छन् ।
कांग्रेसको १४ औँ महाधिवेशन सम्पन्न गर्ने महत्वपूर्ण समयमा पार्टीका नेताहरूमाथि गुन्डा परिचालन गर्ने, हातपात गर्ने जस्ता खेदजनक कार्य भएको गरेको हुँदा काम गर्न सक्ने अवस्था नरहेकाले सामूहिक राजीनामा दिनुपरेको पत्रमा उल्लेख गरिएको छ ।
