सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । मनाङ ख बाट निर्वाचित दिपक मनाङेले प्रदेशसभामा स्वतन्त्र सांसदका लागि छुट्टै चेयरको ब्यवस्था गर्न माग गरेका छन् । २०७४ को प्रदेशसभा निर्वाचनमा स्वतन्त्र रुपमा निर्वाचित दिपक मनाङे २०७६ असारमा नेकपामा प्रवेश गरेका थिए ।
सर्वोच्च अदालतले नेकपाको विगठन गरेपछि उनले आफु स्वतन्त्र सांसद भएकाले छुट्टै बस्ने ठाउँको ब्यवस्था मिलाउन माग गर्दै संसद सचिवालयमा निवेदन दर्ता गराएका हुन् ।
निर्वाचित भएको सात महिनापछि सपथ लिएका उनी २०७६ असारमा नेकपामा प्रवेश गरेका थिए । उनी पार्टी प्रवेश गरेको लिखित जानकारी नेकपाले संसद सचिवालयमा पठाएको थिएन । सर्वोच्च अदालतले नेकपाको विगठन गरेपछि उनी आफु स्वतन्त्र सांसद भएको बताउँदै आएका छन् ।
गण्डकी प्रदेशसभामा मुख्यमन्त्रीविरुद्ध अविश्वास प्रस्ताव पेश भएपछि मनाङेले आफु सहितका साना दलहरूको सल्लाहमा मुख्यमन्त्री दावी गर्ने बताउँदै आएका छन् ।
