- ट्रेण्डिङ :
एजेन्सी । भारतमा कोरोना संक्रमण र मृत्यु दर बृद्धि हुने क्रम रोकिएको छैन । पछिल्लो २४ घण्टामा त्यहाँ ३ हजार ४ सय ३८ जनाको मृत्यु भएको छ । यो समाचार तयार पार्दासम्म भारतमा कोरोना संक्रमणका कारण मृत्यु हुनेको कुल संख्या २ लाख २२ हजार ३८३ पुगेको छ ।
त्यसैगरी पछिल्लो २४ घण्टामा ३ लाख ५५ हजार ८२८ जना नयाँ कोरोना संक्रमित थपिएका छन । जसअनुसार भारतमा कुल संक्रमितको संख्या २ करोड २ लाख ७५ हजार ५४३ पुगेको छ । त्यहाँ अहिले पनि ३४ लाख ५२ हजार ४५७ जना सक्रिय संक्रमित रहेका छन । पछिल्लो २४ घण्टामा मृत्यु दरका हिसाबले दोस्रो स्थानमा रहेको ब्राजिलमा थप १ हजार ५४ जनाको मृत्यु भएको छ ।
कोरोना संक्रमणका कारण हालसम्म त्यहाँ ४ लाख ८ हजार ८२९ जनाको ज्यान गैसकेको छ । पछिल्लो २४ घण्टामा ब्राजिलमा ३६ हजार ५२४ जना नयाँ संक्रमित थपिएका छन । जसअनुसार त्यहाँ कुल संक्रमितको संख्या १ करोड ४७ लाख ९१ हजार ४३४ पुगेको छ ।
त्यसैगरी अमेरिकामा पछिल्लो २४ घण्टामा ३८ हजार ८५१ जना नयाँ संक्रमित थपिएका छन । जसअनुसार हालसम्म कुल संक्रमितको संख्या ३ करोड ३२ लाख २९ हजार ४४५ पुगेको छ । त्यस्तै थप ४४३ जनाको मृत्यु भएको छ ।
