शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा - नेकपा माओवादी केन्द्रका अध्यक्ष पुष्पकमल दाहाल ,नेपाली कांग्रेसका सभापति शेरबहादुर देउवा र जनता समाजवादी पार्टीका अध्यक्ष उपेन्द्र यादवबीच बुढानिलकण्ठमा छलफल भएको छ।
राष्ट्रपति विद्यादेवी भण्डारीले संविधानको धारा ७६ (२) अनुसार सरकार गठनको आह्वान गरेपछि तीन दलका अध्यक्षहरूबीच आज देउवा निवास बुढानिलकण्ठमा भेटवार्ता भएको हो। प्रचण्ड र उपेन्द्रसँग छलफल गरेका देउवाले आज अपरान्ह ३ बजे पार्टी पदाधिकारी बैठक पनि राखेका छन्।
जसपाभित्र नयाँ सरकारबारे भने विवाद देखिएको छ। अध्यक्ष ठाकुर पक्षले पार्टी वैकल्पिक सरकार निर्माणमा नलाग्ने भन्दै सोमबार राति विज्ञप्ति जारी गरेका छन्। तर सोमबार नै अर्का अध्यक्ष यादवले भने नयाँ सरकार गठनका लागि आह्वान गर्न राष्ट्रपतिलाई आग्रह गर्दै देउवा र प्रचण्डसँगै मिलेर संयुक्त विज्ञप्ति जारी गरेका थिए।
जसपामा संघीय परिषद अध्यक्ष बाबुराम भट्टराई र अध्यक्ष यादव प्रधानमन्त्रीबाट ओलीको विकल्प खोज्नुपर्नेमा छन्।
