सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेपाल झलनाथ खनाल पक्षले कांग्रेस नेता शेरबहादुर देउवालाई प्रधानमन्त्रीमा सर्मथन गर्ने गरेको निर्णयको विपक्षमा उभिएका एमाले नेता योगेश भट्टराईले पार्टी एकतालाई जोगाउन आफूले पछिल्लो कदम चालेको बताएका छन् ।
भट्टराईले देउबाको पक्षमा हस्ताक्षर गरेका थिएनन् । मेरो राजनीतिक जीवन कै सबैभन्दा कठिन दिन आज, उनले समाजिक सञ्जालमा लेखेका छन्ने कपा एमालेको एकतालाई जोगाउन सकिन्छ कि भन्ने आशाले मैले आजको निर्णय लिएको हुँ । सही गरें कि गलत गरें, इतिहासको कठोर मूल्याङ्कनमा खडा छु ।
उनले विहान विपक्ष दलहरुबीच भएको भर्चुअल बैठकमा नै देउवालाई समर्थन गर्न नसकिने बताएका थिए । एमालेभित्र माधव नेपाल पक्षका बलिया नेता मानिएका उनी अब ओली समूहमा जाने अवस्था देखिएको छ ।
संविधानको धारा ७६ को उपधारा ५ अनुसार सरकार गठन गर्न राष्ट्रपति आव्हान गरेपछि शीलत निवासमा विपक्षी गठबन्धन र सत्तारुढ केपी शर्मा ओली पक्षले नयाँ सरकारका लागि छुट्टाछुट्टै हस्ताक्षर शीलतनिवासमा बुझाएका छन् । हाल प्रतिनिधि सभामा २७१ जना सांसद छन् । तर दलहरुले ३०२ जनाको हस्ताक्षर बुझाएका छन् ।
विपक्षी गठबन्धनका तर्फबाट शेरबहादुर देउवालाई प्रधानमन्त्रीका रुपमा अघि सार्दै शुक्रबार दिउसो पौने चार बजे नेताहरु शीतलनिवास पुगेका थिए । तर, विपक्षी गठबन्धनका नेता शीतलनिवास पुग्नु अघि नै प्रधानमन्त्री ओली शीतलनिवास पुगेर बहुमत सांसदको हस्ताक्षर बुझाएका थिए ।
ओलीले एमालेका १२१ सांसद र जनता समाजवादीका ३२ सांसद गरी १५३ सांसदको हस्ताक्षर लगेर सरकारको नेतृत्वका लागि आधार पेश गरेको प्रधानमन्त्री ओलीका सल्लाहकार विष्णु रिमालले जनाएका छन् । रिमालका अनुसार ओलीले बुझाएको हस्ताक्षरमा एमालेका तर्फबाट अध्यक्ष ओली र जसपाका तर्फबाट महन्थ ठाकुर र राजेन्द्र महतोले हस्ताक्षर गरेका छन् ।
यता विपक्षी गठबन्धनले भने १४९ सांसदको हस्ताक्षर पेश गरेका छन् । दुवैतर्फको सांसद संख्या जोड्दा ३०२ हुन्छ । प्रधानमन्त्री ओली र विपक्षी गठबन्धनका नेताहरु शीलतनिवासमा हस्ताक्षर बुझाएर फर्किसकेका छन् । बहुमतको हस्ताक्षर संविधानको धारा ७६ को उपधारा ५ मा राष्ट्रपतिले स्वविवेकीय निर्णय गर्न पाउने भएकाले उनले कसलाई मान्यता दिन्छिन् भन्ने प्रश्न उठेको छ ।
ओलीले आजै बालुवाटारमा गरेको पत्रकार सम्मेलनमा आफुसँग एमालेका १२१ सांसद र अरु पार्टीका सांसदहरुसँग समेत कुरा भइरहेकाले सरकारमा दावी गर्ने जनाएका थिए ।
