सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
आश तमु , पोखरा । प्रतिनिधिसभा भंग गरेर मध्यावधि निर्वाचन घोषणा गर्ने कार्यलले मध्यरातमा राष्ट्रपति निर्वस्त्र भएको नेपाली कांग्रेसका नेता धनराज गुरुङले टिप्पणी गरेका छन् ।
नेता गुरुङले सामाजिक सञ्जालमार्फत यस्तो टिप्पणी गर्दै संविधानको धारा ७६(५) बमोजिम सरकार गठनका लागि आह्वान गर्ने राष्ट्रपति आफैँ निर्वस्त्र बनेको बताएका हुन् । उनले आफैले आह्वान गरेका आफैले विघटन गरेको उनको आरोप छ ।
राष्ट्रपति विद्यादेवी भण्डारीको आव्हानअनुसार नेपाली कांग्रेसका सभापति शेर बहादुर देउवाले बहुमत सांसदहरुको हस्ताक्षरसहित प्रधानमन्त्रीमा दाबी गरेपछि मध्यरातमा संसद नै विघटन भएको आरोप लगाए ।
राष्ट्रपति भण्डारीले मुलुकको अभिभावक बन्नुपर्ने अवस्थामा प्रधानमन्त्री केपी शर्मा ओलीको कार्यकर्ता बनेको बताए । गुरुङले लेखेका छन्, 'मुलुकको अभिभावक बन्नुको सट्टा राष्ट्रपति ओलीको कार्यकर्ता बनेर निर्वस्त्र बनिन् ।'
सरकार बनाउन नसकेपछि प्रतिनिधिसभा भंग, कात्तिक २६ र मंसिर ३ गते चुनाव घोषणा
सरकारको सिफारिसमा राष्ट्रपति विद्यादेवी भण्डारीले प्रतिनिधिसभा भंग गर्दै नयाँ चुनाव घोषणा गरेकी छन् । संविधान अनुसार वैकल्पिक सरकार बन्न नसकेपछि चुनाव घोषणा भएको हो ।
सरकारको सिफारिसमा राष्ट्रपति भण्डारीले प्रतिनिधिसभाको निर्वाचनका लागि कात्तिक २६ र मंसिर ३ गतेको मिति तोकेकी छन् । जसअनुसार अब पहिलो चरणको निर्वाचन कात्तिक २६ गते र दोस्रो चरणको मंसिर ३ गते हुनेछ ।
राष्ट्रपति भण्डारीले आह्वान गरेअनुसार संविधानको धारा ७६ को उपधारा ५ बमोजिम सरकार गठन हुन नसकेपछि संवैधानिक रुपमै प्रतिनिधिसभा भंग भएको हो । नयाँ सरकारका लागि नेकपा एमालेका अध्यक्ष केपी शर्मा ओली र नेपाली कांग्रेसका सभापति शेर बहादुर देउवाको दाबी परेपनि बहुमतको आधार नपुगेको भन्दै राष्ट्रपति भण्डारीले नयाँ प्रधानमन्त्री नियुक्त गर्न नमिल्ने बताएकी थिइन् ।
राष्ट्रपतिबाट ओली र देउवा दुवैजनाको बहुमतको आधार नदेखिएको भन्दै प्रधानमन्त्रीमा नियुक्त गर्न नमिल्ने विज्ञप्ति जारी भएपछि बसेको मन्त्रिपरिषदको आकस्मिक बैठकले प्रतिनिधिसभा भंग गरी नयाँ निर्वाचनको मिति तोकेको छ ।
