सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । केही दिन अघि गोली लागी घाइते भएका माओवादी नेता दीपक पाण्डेको उपचारको क्रममा निधन भएको छ । पाण्डेको अवस्था गम्भीर भएपछि हेलिकप्टरमा काठमाडौं पुर्याएको एक घण्टामा नै सोमबार राति काठमाडौंस्थित त्रिवि शिक्षण अस्पतालमा मृत्यु भएको हो ।
निधन भएको पाण्डेलाई गत बुधवार राती ११ बजे मोटरसाइकलमा आएका तीन जनाको समुहले गोली हानेको थियो । गोली प्रहार गर्ने तीन जना मध्य दुई जनालाई प्रहरीले पक्राउ गरेका छन भने एक जना अझै पनि फरार रहेको प्रहरीले जनाएको छ ।
भैरहवा स्थित मेडिकल कलेजमा उपचार गराईरहेका पाण्डेको थप उपचार गर्न सम्भव नभएपछी जिल्ला प्रशासनको पहलमा गृह मन्त्रालयले हेलिकप्टर पठाएको थियो । पक्राउ पर्नेमा कपिलवस्तु नगरपालिका वडा नं। १ का ३९ वर्षीय ओमप्रकाश यादव र कपिलवस्तु नगरपालिका २ का ३३ वर्षीय साकिर अली छन् ।
पाखुरामा एउटा गोली लागेका अर्का भारतीय नागरिकको अवस्था भने सामान्य छ । उनी उपचारपछि घर फर्केका छन् ।
रिसिइबीका कारण पाण्डेमाथि गोली चलाएको अभियुक्तले बयान दिएको कपिलवस्तुका प्रवक्ता प्रहरी नायव उपरीक्षक धर्मराज भण्डारीले जानकारी दिए ।
