- ट्रेण्डिङ :
पोखरा । जेठ २३ गतेसम्मका लागि प्रधान्याधीशचोलेन्द्र शमशेर जबराले इजलास स्थगित गरेका छन ।
दोस्रो पटक प्रतिनिधिसभा विघटन गर्ने निर्णयविरुद्ध परेका रिटको सुनुवाइ गर्नका लागि गठन गरिएको संवैधानिक इजलासबाट दुई न्यायाधीश दीप कुमार कार्की र आनन्दमोहन भट्टराईले इजलास छाड्ने निर्णय गरेपछी प्रधानन्याधिसले इजलास स्थगित गरेका हुन ।
रिट निवेदक पक्षका कानुन व्यवसायीले संवैधानिक इजलासमा राखिएका न्यायाधीश द्वय तेज बहादुर केसी र बम कुमार श्रेष्ठले इजलास छाड्नु पर्ने माग गरेका थिए । श्रेष्ठ र केसीले इजलास छाड्न नमानेपछि इजलासमा रहेका अन्य दुई न्यायाधीश भट्टराईले र कार्कीले इजलास छाडेका हुन् । वैधानिक इजलासमा रहेका दुई न्यायाधीश दीपककुमार कार्की र आनन्दमोहन भट्टराईले आफूहरू इजलासबाट अलग भएको जानकारी गराएपछि सुनुवाइ स्थगित भएको हो ।
न्यायाधीशद्वयका तर्फबाट न्यायाधीश कार्कीले पत्र पढेर सुनाएपछि प्रधानन्यायाधीश चोलेन्द्र शमशेर जबराले २३ गतेसम्मका लागि सुनुवाइ स्थगित भएको घोषणा गरे । मंगलबार बिहान प्रधानन्यायाधीश जबरा र नेपाल बार एसोसिएसनका पदाधिकार र सदस्यहरु छलफलमा बसेका थिए ।
सो छलफलपछि नियमावली संशोधन गरेर वरिष्ठताका आधारमा न्यायाधीश रहने गरी संवैधानिक इजलास गठन गर्ने व्यवस्था गर्न प्रधानन्यायाधीश जबरा तयार भएका थिए।
