सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । सुदूरपश्चिम प्रदेश सरकारका मुख्यमन्त्री त्रिलोचन भट्टले मागेको विश्वासको मतको पक्ष–विपक्षमा मतदान सुरु भएको छ । मंगलबार प्रदेशसभा बैठकमा मतदान सुरु भएको हो ।
सुदूरपश्चिम प्रदेशमा ५२ सदस्य रहेका छन् । मुख्यन्त्रीलाई विश्वासको मत पाउन २७ मत आवश्यक पर्छ । अहिले प्रदेशसभामा नेकपा (एमाले)का सभामुखबाहेक २४, नेकपा (माओवादी केन्द्र)का १३, नेपाली कांग्रेसका १२ र जनता समाजवादी पार्टी (जसपा) नेपालका दुईजना छन ।
जनता समाजवादी पार्टी (जसपा)ले सुदूरपश्चिम प्रदेशका मुख्यमन्त्री त्रिलोचन भट्टलाई विश्वासको मत नदिने भएको छ । जसपाका अध्यक्ष महन्थ ठाकुरपक्षीय दुई सांसदले भट्टलाई मत नदिने भएका हुन् ।
जसपाका सांसद कृष्णबहादुर चौधरीले विश्वासको मत दिने आधार नदेखिएको उक्त निर्णय गरेको बताए । सुदूरपश्चिममा जसपाका तर्फबाट चौधरीसँगै मालामतीकुमारी राना थारु प्रदेशसभा सदस्य छन् ।
मुख्यमन्त्री भट्टलाई नेकपा (एमाले) र नेपाली कांग्रेसले विश्वासको मत दिने भएका छन्। यो सँगै मुख्यमन्त्री भट्टको विश्वासको मत पारिर हुने भएको छ ।
