सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । सुदूरपश्चिम प्रदेशका मुख्यमन्त्री त्रिलोचन भट्टले विश्वासको मत पाएका छन । नेकपा माओवादीका मुख्यमन्त्री भट्टको पक्षमा ३० मत खसेको छ भने विपक्षमा ९ मत खसेको छ ।
भट्टलाई एमालेको माधव नेपाल समूहले विश्वासको मत दिएको थियो । कांग्रेस भने तटस्थ बसेको छ । एमालेको ओली समूहले भने भट्टलाई विश्वासको मत दिएनन् ।
नेकपा एमालेको ओली समूहका ७ जना र जनता समाजवादी पार्टीका दुईजना प्रदेश सभा सदस्ले विपक्षमा मतदान गरेका थिए ।आज बिहान बसेको एमाले सुदूरपश्चिम प्रदेश संसदीय दलले भट्टको पक्षमा विश्वासको मत दिने निर्णय गरेको थियो ।
यसैगरी कांग्रेसले पनि आवश्यक परे विश्वासको मत दिने निर्णय गरेको थियो । एमालेले भट्टलाई विश्वासको मत दिएपछि कांग्रेस तटस्थ बसेको हो ।
५२ सदस्यीय प्रदेशसभामा विश्वासको मतका लागि २७ जनाको समर्थन आवश्यक हुन्थ्यो । आज ५१ प्रदेशसभा सदस्य मतदान प्रक्रियामा सहभागी भएका थिए । प्रदेशसभामा काँग्रेसका १२ र जसपाका दुई सांसदको प्रतिनिधित्व रहेको छ ।
त्यस्तै प्रदेशसभामा मुख्यमन्त्री भट्टको दल नेकपा माओवादी केन्द्रका १३ सांसद र एमालेका २५ सांसद छन् । तीमध्ये ७ जनामात्र ओली पक्षका छन् ।
