सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । गण्डकी प्रदेशका युवा तथा खेलकुद मन्त्री राजीव गुरुङ उर्फ दीपक मनाङ्गेले मन्त्री पदबाट राजीनामा दिएका छन् ।
बिहीबार संसदमा अनुपस्थित भएका मनाङ्गेले मन्त्री पदबाट राजीनामा दिएका हुन् । उनले बिहीबारबाट नै लागु हुनेगरी आफूले पदबाट राजीनामा दिएको उल्लेख गरेका छन् ।
मुख्यमन्त्री पृथ्वी सुब्बा गुरुङले बिहीबार प्रदेशसभाबाट विश्वासको मत लिन नसकेपछि स्वतः पदमुक्त भएका छन् । त्यससँगै उनको मन्त्रिपरिषद्का सदस्यहरु पनि स्वतः पदमुक्त नै भएका छन् । तर पनि आफूलाई प्रहरीले पक्राउ गरेर दुःख दिन खोजेपछि मनाङ्गेले औपचारिक रुपमा पत्र लेखेर राजीनामा बुझाएका हुन् ।
मन्त्री दीपक मनाङ्गेलाई मध्यरातमा पक्राउ गर्ने प्रहरीका दुई वटा प्रयास असफल उनले मुख्यमन्त्री नै पदमुक्त भइसकेपछि आफूलाई मन्त्रीका रूपमा काम गर्न नैतिकताले नदिने भएकाले राजीनामा दिएको उल्लेख गरेका छन् ।
उता मुख्यमन्त्री पृथ्वी सुब्बा गुरुङले भने मन्त्री मनाङेलाई पदमुक्त गरेका छन् । सो मन्त्रालय आफैं सम्हाल्ने जानकारी सहित मनाङेलाई पदमुक्त गरेको विषयमा उनले प्रदेश प्रमुखलाई पत्राचार गरेका हुन् ।
