सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
सभामुख अग्नि सापकोटाले बोलाएको सर्वदलीय बैठकमा नेताहरु लोकतन्त्र र संविधान संकटमा परेको भन्दै यसको रक्षाका लागि एकजुट हुने निष्कर्षमा पुगेका छन् । बैठकपछि पूर्व प्रधानमन्त्री तथा जसपाका नेता डा.बाबुराम भट्टराईले प्रतिनिधिसभा पटक पटक विघटन भएको भन्दै लोकतन्त्र नै धरापमा परेकाले यसलाई बचाउन राजनीतिक दलहरु लाग्नुपर्नेमा सबै दल सहमत जानकारी दिए ।
यो बैठकमा एमाले अध्यक्ष एवं प्रधानमन्त्री केपी शर्मा ओलीलाई समेत निमन्त्रणा गरिएको भए पनि उनी सहभागी भएनन् । यसै गरी कोरोना महामारी नियन्त्रणमा सरकार गंभीर नबनेको र खोपको व्यवस्था हुन नसकेकोमा पनि दलका नेताहरु चिन्तित बनेका छन् । बैठकमा चुरे लगायतका क्षेत्रबाट बालुवा ढुंगा गिटी निकासी गर्ने सरकारको निर्णय गलत रहेको सर्वदलीय बैठकले निष्कर्ष निकालेको छ ।
भट्टराईले पटक पटक संसद विघटन गरिनु निरंकुशता र स्वेच्छाचारिताको पराकाष्ठा भएको भन्दै १४६ जनाले अदालतमा निवेदन दिएको र सोही अनुसार निकास आउनेमा विश्वास गरिएको बताए । बैठकमा सभामुख बाहेक पूर्व प्रधानमन्त्रीहरु, काँग्रेस, माओवादी , एमाले र जसपाका शीर्ष नेताहरु सहभागी थिए ।
