सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
गण्डकी प्रदेश सरकारको तर्फबाट बजेट मुख्यमन्त्री कृष्ण चन्द्र नेपाली पोखरेलले नै प्रस्तुत गर्ने तयारी गरेका छन् । ३१ जेठमा नीति तथा कार्यक्रम प्रस्तुत गर्ने र १ असारमा ल्याउने बजेट नव नियुक्त मुख्यमन्त्री कृष्णचन्द्र नेपाली पोखरेलले नै प्रस्तसत गर्ने सरकारको प्रवक्ताको जिम्मेवारी पाएका मन्त्री कुमार खड्काले जानकारी दिए । साथै उनका अनुसार सोमाबार सार्वजनिक गरिने नीति तथा कार्यक्रम पनि मुख्यमन्त्री पोखरेलले नै नै वाचन गर्नेछन् ।’ शनिबार नेपाली कांग्रेसको तर्फबाट पोखरेल गण्डकी प्रदेशको मुख्यमन्त्री नियुक्त भएका थिए ।
सरकारका प्रवक्ता खड्काले छोटो समयमा सरकारको नीति तथा कार्यक्रम र बजेट ल्याउनुपर्ने बाध्यतामा रहेका उनले निवर्तमान मुख्यमन्त्री पृथ्वीसुब्बा गुरुङसँग छलफल गरेर अघि बढ्ने बताएका छन् । त्यस्तै आजै बसेको मन्त्रिपरिषद बैठकले पूर्व मुख्यमन्त्रीलाई दिनुपर्ने सम्मानबारे ऐन बनाएर अघि बढ्नेबारे पनि निर्णय गरेको प्रवक्ता खड्काले जानकारी दिए ।
पूर्व मुख्यमन्त्रीको मर्यादामा सम्मान, मर्यादामा कुनै कमी नहुने गरेर जाने गरी यहाँका स्रोत र साधनले सम्भव हुने गरी गर्नुपर्छ भन्ने हाम्रो सहमति छ,’ उनले भने । प्रवक्ता खड्काले नवगठित सरकारले चाँडै विश्वासको मत लिने योजनामा रहेकोसमेत जानकारी दिए ।
