- ट्रेण्डिङ :
पोखरा । गण्डकी प्रदेशका निवर्तमान मुख्यमन्त्री पृथ्वीसुब्बा गुरुङले सरकारी तवरबाट सेवा सुविधा नलिने बताएका छन । गुरुङमा प्रेस सल्लाहकार समेत भएका बिक्रम न्यौपानेले सामाजिक सञ्जालमार्फत प्रमुख प्रतिपक्ष दलको नेताको हैसियतबाटै जनताप्रति उत्तरदायी भूमिका निर्वाह गर्ने बताउदै कुनै सेवा सुबिधा नलिने बताएका हुन ।
न्यौपानेले आफ्नो सामाजिक सन्जालमा लेखेका छन्- माननीय पृथ्वीसुब्बा गुरुङ प्रमुख प्रतिपक्ष दलको नेताको हैसियतबाटै जनताप्रति उत्तरदायी भूमिका निर्वाह गर्नुहुन्छ । उहाँलाई पूर्वमुख्यमन्त्रीको हैसियतका नाममा कुनै सुविधा लिने एक रत्ति पनि इच्छा छैन । उहाँले त्यस्तो सुविधा लिनु हुने छैन ।
हालसालै नवगठित नेपाली कांग्रेस नेतृत्वका सरकारले प्रदेशका पूर्वमुख्यमन्त्रीलाई सुरक्षालगायत सुविधा दिने गरी ऐन ल्याउने तयारी गरेको छ । सरकारको उक्त निर्णयको चौतर्फी आलोचना भइरहेको छ ।
