सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका अध्यक्ष केपी शर्मा ओलीका तर्फबाट दर्ता भएको भ्याकेटको निवेदनमाथि सर्वोच्च अदालतले दुवै पक्षलाई बोलाउने आदेश दिएको छ । न्यायाधीश आनन्दमोहन भट्टराई र हरि फुयालको संयुक्त इजलासले अन्तरिम आदेश खारेज गर्ने वा नगर्ने विषयमा छलफल गर्न सर्वोच्चले विपक्षी झिकाएर छलफल गर्न आदेश गरेको हो । एमाले अध्यक्ष ओली र कर्णाली प्रदेशसभा सचिवालयले सर्वोच्चमा छुट्टाछुट्टै भ्याकेट निवेदन दिएका थिए ।
सर्वोच्चले नेकपा एमालेको ह्वीप उल्ल्घंन गरेका कर्णाली प्रदेश सभाका ४ जना सांसदलाई जवाफसहित उपस्थित हुन पनि भनेको छ । पदमुक्त गरिएका सांसदलाई पुनर्वहाली गर्ने सर्वोच्च अदालतको आदेशविरुद्धको पुनरावलोकन (भ्याकेट) माथिको सुनुवाइपछि आज सर्वोच्चले दुवै पक्षलाई छलफलमा बोलाउने आदेश गरेको हो ।
यसअघि कर्णाली प्रदेशका चार जना सांसदले पार्टीकाे ह्वीप उल्लंघन गरेर फ्लोर क्रस गरेपछि पार्टी विधान र राजनीतिक दलसम्बन्धी ऐन बमोजिमका प्रक्रिया पूरा गरेर भएको कारबाही र पदमुक्तिलाई न्यायाधीश प्रकाशमान सिंह राउतको एकल इजलासले अन्तरिम आदेशमार्फत बदर गरेको थियो ।
