- ट्रेण्डिङ :
मंगलबार प्रतितोला ६ सय रुपैयाँले बढेको सुनको भाउ बुधबार पुनः ३ सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुन प्रतितोला ३०० रुपैयाँले घट्दै ९० हजार ७ सय रुपैयाँमा झरेको हो ।
गत मंगलबार प्रतितोला ६ सय रुपैयाँले बढेर सुन ९१ हजार रुपैयाँमा कारोबार भएको थियो । महासंघका अनुसार आज तेजाबी सुनको मूल्य समेत घटेर ९० हजार २ सय रुपैयाँमा कारोबार भएको छ ।
यता चाँदीको मूल्य पनि गत मंगलबारको तुलनामा प्रतितोला ५ रुपैयाँले गिरावट आउदै एक हजार २९५ रुपैयाँ कारोबार भएको महासंघले जनाएको छ ।
