- ट्रेण्डिङ :
प्रतिनिधिसभा विघटनविरुद्धको मुद्धामा निवेदकका तर्फबाट गर्ने बहस आज सकिंदैछ । संवैधानिक इजलासमा सुनुवाई भइरहेको रिटमा निवेदक पक्षलाई दिइएको १२ घण्टाको समयअनुसार आज निवेदकका तर्फबाट ४ घण्टा ४५ मिनेट बहस भएपछि समय सकिन लागेको हो।
आज निवेदकका तर्फबाट २९ जना कानुन व्यवसायीलाई २५ देखि ३० मिनेटसम्मको समय निर्धारण गरिएको छ। आज वरिष्ठ अधिवक्ता कृष्णप्रसाद भण्डारी, सतिषकृष्ण खरेललगायतले बहस गर्ने तयारी छ। त्यस्तै पूर्व महान्यायाधिवक्ता मुक्तिनारायण प्रधानले पनि बहस गर्नेछन्।
वरिष्ठ अधिवक्ताहरुका लागि ३० मिनेट र पूर्व महान्यायाधिवक्ताका लागि २५ मिनेटको समय तोकिएको छ। रिट निवेदक पक्षको आजको बहस सकिएपछि आइतबारदेखि सरकारी पक्ष अर्थात रिट निवेदकको विपक्षले बहस सुरु गर्नेछ। सरकारी पक्षलाई बहसका लागि १५ घण्टाको समय दिइएको छ । त्यसपछि जवाफी बहसका लागि निवेदक पक्षका लागि ३ घण्टाको समय तोकिएको छ ।
