- ट्रेण्डिङ :
पोखरा । पछिल्लो २४ घण्टामामा पोखरामा ११९ जना सहित गण्डकी प्रदेश भरी २८३ जनामा कोरोना संक्रमण पुष्टि भएको छ ।
प्रदेश स्वास्थ्य निर्देशनालयको विज्ञप्ति अनुसार पछिल्लो २४ घण्टामा गण्डकीका १ हजार १६३ जनामा गरिएको नमुना परीक्षणमा २८३ जनामा कोरोना पोजेटिभ आएको हो।
आज संक्रमण पुष्टि हुनेमा कास्कीका ११९ जना, गोरखाका सात जना, लमजुङका नौ जना, नवलपुरका ४३ जना र स्याङ्गजाका २२ जनामा कोरोना पुष्टि भएको हो ।
यस्तै, पर्वतका तीन जना, बागलुङका २९ जना र म्याग्दी जिल्लाका सात जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।
यो सँगै गण्डकीमा कोरोना संक्रमितको कूल संख्या ५५ हजार ३२४ पुगेको छ । पछिल्लो २४ घण्टामा गण्डकीबाट ३३५ जना कोरोनामुक्त भएका छन् । प्रदेशमा कोरोनामुक्त हुनेको संख्या ५१ हजार ७३० पुगेको छ। मंगलबार पनि गण्डकीमा पाँच जनाको मृत्यु पुष्टि भएको छ ।
आज मृत्यु पुष्टि हुनेमा कास्कीका तीन जना, म्याग्दीका एक जना र लमजुङका एक जना छन् । आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या ९४५ पुगेको निर्देशनालयले जनाएको छ ।
