- ट्रेण्डिङ :
पोखरा । नेत्रविक्रम चन्द विप्लव नेतृत्वको नेकपाले सरकारसँग छलफल गर्ने भएको छ ।
शान्तिपूर्ण राजनीतिमा आउँदा सरकार पक्षसँग भएका सहमतीहरु कार्यान्वयन नभएको भन्दै असन्तुष्ट नेत्रविक्रम चन्द विप्लव नेतृत्वको नेकपाले छलफल गर्न लागेका हुन् ।
प्रधानमन्त्री ओलीसँग आफ्ना मागहरुबारे छलफलका लागि आज नै नेकपा बालुवाटार जान लागेको स्रोतले जनाएको छ ।
लामो समयदेखि भूमिगत राजनीतिमा रहेको नेकपा गत फागुन २१ गते वर्तमान केपी ओली नेतृत्वको सरकारसँग ३ बुँदे सहमती गर्दै शान्तिपूर्ण राजनीतिमा आउने घोषणा गरेको थियो ।
विभिन्न मागहरु मध्ये उक्त नेकपाले सरकारसँग जेलमा रहेका आफ्ना नेताकार्यकर्ताहरुलाई रिहाइको माग रहेको थियो । तर आज सहमती भएको ४ महिना बितिसक्दा पनि आफ्ना मागहरु पूरा नभएको भन्दै नेकपा असन्तुष्ट बनेको हो ।
