सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका उपाध्यक्ष एवम् राष्ट्रियसभा सदस्य वामदेव गौतमले अध्यक्ष केपी ओली र वरिष्ठ नेता माधवकुमार नेपालको रिस अन्त्य नभएसम्म पार्टी एकता सम्भव नरहेको बताएका छन् । राष्ट्रियसभा बैठकबाट बाहिरिएने क्रममा आज सन्चारकर्मीहरुसँग कुरा गर्दै गौतमले अहिले ओली र नेपाल एकअर्कासँग रिसाएकोले उनीहरुको रिस नमरेसम्म एकताको प्रयास सफल नहुने बताए । ओली र नेपालको यो रिस उनीहरु मातहतमा रहेका नेताको चिन्ताले घटाउन नसक्ने नेता गौतमले बताए ।
उनले ओली र नेपाललाई मिलाउन दौडथुप गरिराखेका दुवै गुटका युवा नेतातर्फ लक्षित गर्दै गौतमले मातहतका नेताको चिन्ताले काम नगर्ने प्रष्ट पारे। उहाँले भन्नुभयो, ‘माधव कमरेड धेरै रिसाउनु भएको छ केपी ओलीसँग केपी ओली पनि माधव नेपालसँग बेस्सरी रिसाउनु भएको छ, दुई जनाको रिस नमर्दासम्म मातहतमा रहेका साथीहरुको चिन्ताले पनि काम गर्दैन,एकता पनि सम्भव छैन । गौतमले अहिले आफू दुवै नेताको रिसलाई कसरी शिथिल पार्न सकिन्छ भनेर लागेको बताए ।
रिस शिथिल भएपछि एकता हुने गौतमको विश्वास छ । साथै सर्वोच्चको निर्णय आएपछि एकता सम्भव हुन्छ भन्ने आफूलाई लागेको पनि गौतमको भनाई छ ।
