सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
संसद् विघटन सम्बन्धी मुद्दाको सर्वोच्च अदालतले फैसला गर्नुअघि नेकपा एमालेमा विवाद मिलाउने प्रयास भइरहेको छ । विवाद समाधानका लागि गठित कार्यदलको बैठक आज पनि बस्दैछ । पार्टी अध्यक्ष एवं प्रधानमन्त्री केपी शर्मा ओली कार्यदल ब्युताउन सहमत भएपछि सोमबार पनि नेताहरुबिच छलफल भएको थियो ।
कार्यदलमा संस्थापन पक्ष र माधव नेपाल–झलनाथ खनाल पक्षका पाँच–पाँच जना सदस्य रहेका छन् । कार्यदलमा ओली पक्षबाट सुवास नेम्वाङ, विष्णु पौडेल, शंकर पोखरेल, प्रदीप ज्ञवाली र विष्णु रिमाल छन् भने नेपाल खनाल पक्षबाट भीम रावल, सुरेन्द्र पाण्डे, घनश्याम भुसाल, गोकर्ण विष्ट र रघु पन्त रहेका छन् । गत जेठ २ गते अध्यक्ष केपी शर्मा ओली र वरिष्ठ नेता माधवकुमार नेपालबीच सिंहदरबारमा भएको वार्तापछि कार्यदल बनाइएको थियो ।
प्रतिनिधिसभा विघटन मुद्दामा सर्वोच्च अदालतको संवैधानिक इजलासमा बहस सकिएलगत्तै एमाले कार्यदलले सहमतिको प्रयास तिव्र पारेको हो । सर्वोच्चको फैसला आउनु अघि नै पार्टीको विवाद मिलाउन ओली निकै लचक देखिएका छन् । यसक्रममा ओलीले आफ्नो पक्षका नेताहरुलाई सक्रिय हुन् निर्देशन दिएका छन् ।
