श्रावण १५, २०७७ बिहिवार
•
०८:४५:०९ बजे
एजेन्सी । कोरोना भाइरस संक्रमितको संख्या ह्वात्तै बढेको छ । पछिल्लो २४ घन्टामा २ लाख ८४ हजार ४ सय ५५ जनामा कोरोना भाइरसको संक्रमण देखिएको छ । यो संख्या अहिलेसम्मकै धेरै मध्येको एक हो । यसअघि सबैभन्दा धेरै २ लाख ९३ हजार पुगेको थियो ।
पछिल्लो २४ घन्टामा सबैभन्दा धेरै ब्राजिलमा ७० हजार ८ सय ६९ जनामा संक्रमण भएको छ । त्यस्तै अमेरिकामा ६६ हजार ९ सय २१, भारतमा ५२ हजार २ सय ४९, दक्षिण अफ्रिकामा ११ हजार ३ सय ६२, मेक्सिकोमा ७ हजार २ सय ८, रसियामा ५ हजार ४ सय ७५ र कोलम्वियामा ८ हजार ६ सय ७० जनामा संक्रमण भएको छ ।
पछिल्लो २४ घन्टामा ज्यान गुमाउनेको संख्या पनि बढेको छ । पछिल्लो २४ घन्टामा ६ हजार ८ सय २६ जनाको कोरोनाबाट ज्यान गएको छ । अघिल्लो दिन ५ हजार ६ सय ४४ जनाको ज्यान गएको थियो ।
ज्यान गुमाउनेमध्ये अमेरिकामा १ हजार ४ सय ८५, ब्राजिलमा १ हजार ५ सय ५४, भारतमा ७ सय ७९ र मेक्सिकोमा ८ सय ५४ जना रहेका छन् ।
