आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
मनाङ । मनाङको नासों गाउँपालिका-५ थोंचेका वडाध्यक्ष छिरिङ ग्याल्पो पुनेलको सोमवार निधन भएको छ । पचास वर्षीय पुनेलको हृदयघातका कारण निधन भएको हो ।
नेपाली कांग्रेसबाट निर्वाचित भई गाउँपालिकाका प्रवक्ता समेत रहेका उनको उपचारका क्रममा जिल्ला अस्पताल लमजुङमा अपराह्न निधन भएको अस्पतालले जनाएको छ ।
आर्थिक वर्षको अन्त्य, योजना छनोट, नीति तथा कार्यक्रम निर्माण, बजेट निर्माणका लागि असार पहिलो साता उनि काठमाडौँ गएर आइतवार मात्रै बेँसीशहर फर्किएका थिए । गाउँपालिकाका अध्यक्ष चन्द्र घलेका अनुसार सोमबार बिहान खाना पनि नखाई बेँसीशहरको होटेलमा बसेका उनि हृदयघातका कारण ढलेपछि उपचारका लागि जिल्ला अस्पताल पुर्याइएको थियो ।
उपचारका लागि १० बजेर ५० मिनेटमा जिल्ला अस्पताल पुर्याइएकामा उपचारका क्रममा मध्याह्न १२ बजेतिर उनको निधन भएको अस्पतालका प्रशासक हेमन्त श्रेष्ठले बताए ।रासस
