औद्योगिक क्षेत्रबाट निर्यात व्यापार बर्सेनि ओरालो लाग्दै

मयूरपाटी डिजिटल पत्रिका

श्रावण १५, २०७७ बिहिवार • ०८:५४:५७ बजे

1.8K

औद्योगिक क्षेत्रबाट निर्यात व्यापार बर्सेनि ओरालो लाग्दै

नेपालकै ठुलो औद्योगिक सहरमध्येको एक हेटौंडाको निर्यात व्यापार बर्सेनि ओरालो लाग्दै गएको छ ।सय वटाभन्दा बढी उद्योग नियमित सञ्चालनमा रहेको औद्योगिक क्षेत्रमा उत्पादित बस्त’हरूको भारत तथा तेस्रो मुलुकमा हुने निकासीमा भने भारी गिरावट आइरहेको छ ।

दशकअघिको तुलनामा झण्डै ८० प्रतिशतले निर्यात व्यापार खस्किएको तथ्यांकले देखाएको छ । एक दशकअघि आर्थिक वर्ष २०६५/६६ मा मकवानपुरबाट २८ वटा उद्योगले भारत तथा तेस्रो म’ल’कमा आफ्नो उत्पादन निकासी गरेकोमा आब ०७६/७७ सम्म आइपुग्दा ५ वटामा खुम्चिन पुगेको छ ।

आव ०६५/६६ मा जिल्लाबाट एक अर्ब २७ करोड १५ लाख ६५ हजार रुपैयाँको औद्योगिक उत्पादन भारत तथा तेस्रो मुलुकमा निकासी भएकोमा गत वर्षको तथ्यांकलाई तुलना गर्दा झण्डै ८० प्रतिशतले व्यापारमा गिरावट आएको देखिन्छ ।

बितेको वर्ष ०७५/७६ मा निर्यात व्यापार ३६ करोड ११ लाखमा सीमित बन्न पुगेको हो । आर्थिक वर्ष २०७५/०७६ को तुलनामा बितेको आर्थिक वर्ष २०७६/७७ मा निर्यात व्यापारमा झण्डै २ करोड रुपैयाँभन्दा बढीले गिरावट आएको देखिन्छ । आर्थिक वर्ष ०७५/०७६ मा मकवानपुरको निर्यात व्यापार ३८ करोड ५० लाख रुपैयाँ रहेको थियो ।

०७४/०७५ को तुलनामा भने बितेको वर्षको व्यापार सन्तोषजनक नै हो । आव ०७४/०७५ मा भने निर्यात अत्यन्तै खुम्चिएर २० करोड ७८ लाख २७ हजारमा झरेको थियो । ०७५/०७६ र ०७६/०७७ मा ५ वटा उद्योगले मात्र भारत तथा तेस्रो मुलुकमा आफ्नो सामान निर्यात गरेका छन् । (कारोबार)