सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
जनता समाजवादी पार्टी (जसपा) संघीय परिषद अध्यक्ष एवं पूर्वप्रधानमन्त्री डा.बाबुराम भट्टराईले पार्टी एकता र फुटको कुनै सुत्र नहुने बताएका छन् । पछिल्लो समय जसपाको उपेन्द्र यादव पक्ष र महन्थ ठाकुर पक्षबीच आधिकारिकताको विवाद छ ।
दुवै पक्षले एकअर्कालाई कारबाहीको निर्णय गर्दै निर्वाचन आयोगमा अद्यावधिकका लागि निवेदनसमेत दिएका थिए । यद्यपि आयोगले दुवै पक्षको कारबाही अमान्य भन्दै जसपाको पुरानै पदाधिकारी कायम रहने निर्णय गरेको थियो ।
यसैबीच पूर्वप्रधानमन्त्री समेत रहेका भट्टराईले एकताबाट खुशी र फुट्दा दुखी हुने भन्दै पूर्व जाने र पश्चिम जानेहरू एकै ठाउॅमा बसेर कतै पनि नपुगिने उल्लेख गरेका छन्। बरू पूर्व जाने एकातिर पश्चिम जाने अर्कोतिर हुॅदा राम्रो हुने भन्दै अध्यक्ष भट्टराईले सामाजिक सञ्जालमा ट्वीट गरेका छन्।
