सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । सर्वोच्च अदालतले प्रतिनिधि सभा विघटन गरे लगतै नेकपा एमाले अध्यक्ष एव् प्रधानमन्त्री केपी शर्मा ओली निकट नेताहरु बालुवाटार पुगेका छन ।
अदालतले प्रतिनिधि सभा पुर्नस्थापना साथै २ दिनभित्र कांग्रेस सभापति शेरबहादुर देउवालाई प्रधानमन्त्रीमा नियुक्त गर्नुपर्ने भन्दै परमादेश जारी गरेसँगै अोली पक्षका नेताहरु बालुवाटार पुगेका हुन् । अदालतको फैसला लगत्तै नेताहरु ईश्वर पोखरेल, सुवास नेम्वाङ, प्रदीप ज्ञवाली, शंकर पोखरेल, खगराज अधिकारीलगायत नेताहरु बालुवाटार पुगेका छन् ।
अध्यक्ष ओलीले साँझ ५ बजे पार्टी स्थायी कमिटी बैठक समेत बालुवाटारमै बोलाएका एमाले कार्यलयका सचिव शेर वाहादुर तामाङले लोकपथलाई जानकारी दिए ।
यसै गरी आज साझँ नै विपक्षी गठबन्धनको वैठक बस्न लागेको छ । आज साझँ पाचँ बजे एमाले नेता माधवकुमार नेपालको कोटेश्वर स्थित निवासमा गठबन्धनको बैठक बस्न लागेको देउवाका स्वकीय सचिव भानु देउवाले जानकारी दिए ।
गठबन्धनमा कांग्रेस, माओवादी, जसपा, एमालेको माधव नेपाल समूह र जनमोर्चा रहेका छन् ।
सर्वोच्च अदालतले नेपाली कांग्रेसका सभापति शेरबहादुर देउवालाई दुई दिनभित्रै प्रधानमन्त्रीमा नियुक्त गर्न आदेश दिएकाे थियो । प्रधानन्यायाधीश चोलेन्द्रशम्शेर जबरासहित न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र डा। आनन्दमोहन भट्टराईको इजलासले एक सय ४६ जना निवेदकको मागअनुसार नेपाली कांग्रेस सभापति शेरबहादुर देउवालाई प्रधानमन्त्री बनाउन परमादेश जारी गरेको हो ।
राष्ट्रपतिले प्रधानमन्त्री नियुक्त गर्ने सिलसिलामा गरेका निर्णय संविधान विपरीत देखिएको भन्दै प्रधानन्यायाधीश राणाको इजलासले प्रधानमन्त्रीमा देउवाको दाबी पुग्ने ठहर गरेको छ ।
प्रतिनिधि सभा विघटन संविधानको निर्णय धारा ७६ को उपधारा ५ र ७ सात अनुकूल नभएको र प्रधानमन्त्री तथा राष्ट्रपतिको यो कदम लोकतान्त्रिक आदर्श र संविधानवाद प्रतिकूल रहेको पनि आदेशमा उल्लेख छ ।
