- ट्रेण्डिङ :
प्रधानमन्त्री शेरबहादुर देउवाले विश्वासको मत पाएका छन् । नेपाली कांग्रेस, माओवादी केन्द्र, जसपा, राष्ट्रिय जनमोर्चा र एमालेको माधव नेपाल समूहको सहयोगमा देउवाले विश्वासको मत पाएका हुन् ।
देउवाले १६५ मत प्राप्त गरेका छन् भने विपक्षमा ८३ मत छ । ‘नो भोट’ मा १ मत रहेको सभामुख अग्निप्रसाद सापकोटाले जानकारी दिएका छन् । ओली पक्षका ८ सांसदले गरे फ्लोर क्रस, एमालेका २२ सांसदकोे देउवालाई मत नेकपा एमालेको संस्थापन समूहका ८ जना सांसदले नेता माधव नेपालसँगै फ्लोर क्रस गरेका छन्।
केपी ओली सरकारमा वन मन्त्री भएका प्रेम आले, तनहुँ १ सांसद कृष्णकुमार श्रेष्ठ किसानले पनि देउवाको पक्षमा मतदान गरेका छन् । संस्थापनमै रहेका हिराचन्द्र केसी, पार्वती विसुंखे, कलिला खातुन, विनादेवी बुढाथोकी, धनबहादुर बुढा, समिमा हुसेनले शेरबहादुर देउवालाई मत दिएका छन् । एमालेका २२ जना सांसदले देउवालाई विश्वासको मत दिएका छन् ।
