आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका वरिष्ठ नेता माधवकुमार नेपालले एमालेका २२ जना सासंदहरुसँग छलफल गरेका छन् । नयाँ बानेश्वरस्थित एक होटलमा भएको छलफलमा प्रधानमन्त्री शेरबहादुर देउवालाई विश्वासको मत दिने नेपाल निकटका सांसदहरुको उपस्थित रहेको छ ।
एमाले अध्यक्ष केपी शर्मा ओली पक्षका समेत गरी २२ जना सांसदले देउवाको मक्षमा मत दिएका थिए । सोमबार बसेको एमाले केन्द्रीय कमिटी बैठकले नेपालसहित २२ जनालाई स्पष्टिकरण सोध्ने निर्णय गरेको थियो । २४ घण्टे स्पष्टिकरण सोध्ने निर्णय गरेको भए पनि उनीहरूलाई स्पष्टिकरण सोधिएको पत्र बुझाइएको छैन ।
सोमबार एमालेको केन्द्रीय कमिटी बैठकले विश्वासको मत दिने नेता नेपालसहित २२ सांसदलाई अनुशासनको कारवाही गर्न २४ घण्टाको अल्टिमेटम दिएर स्पष्टीकरण सोध्ने निर्णय गरिसकेको छ । यसबीच एमालेले प्रधानमन्त्री शेरबहादुर देउवालाई विश्वासको मत दिने २२ जना सासंसदलाई सपष्टीकरण पत्र पठाएको छ । त्यस्तै देउवा नेतृत्वको सरकारमा माधव नेपाल समूह तत्काल नजाने भएको छ ।
प्रधानमन्त्री देउवाले प्रतिनिधि सभाबाट विश्वासको मत पाएसँगै गठबन्धनमा सामेल राजनीतिक दलहरूलाई समेटेर मन्त्रिमण्डल विस्तार गर्ने तयारी गरेका छन् ।
