सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । गण्डकी प्रदेशमा माओवादी केन्द्रबाट सरकारमा जाने तीन जना मन्त्रीको टुंगो लागेको छ ।
माओवादी केन्द्रबाट सांसदहरू रामजी बराल, चन्द्र बहादुर बुढा र दीपक चर्तीलाई सरकारमा पठाउने टुङ्गो लागेको हो । । केन्द्रका अनुसारा रामजी बराल अर्थमन्त्री बन्ने भएका छन् भने चर्ती वन तथा वातावरणमन्त्री र बुढाले कृषिमन्त्री बन्ने भएका छन् । उनीहरूको सपथ शुक्रबार दिउँसो १ बजेका लागि तय भएको छ ।
बिहीबार बसेको कांग्रेस र माओवादी केन्द्रबीचको बैठकले माओवादीबाट सरकारमा जाने सांसदको टुंगो लागेको हो । माओवादी केन्द्रबाट यसअघि नै मधुमाया अधिकारी गुरुङ मन्त्री बनिसकेकी छन् । उनले अहिले स्वास्थ्य तथा जनसंख्या मन्त्रालय सम्हालेकी छन् । गण्डकीमा गत जेठ २९ गते गठबन्धनको सरकार बनेको थियो ।
कांग्रेस नेतृत्वमा सरकार बनेपनि गठबन्धनमा सहमति हुन नसक्दा मन्त्रीको टुंगो लाग्न सकेको थिएन ।
