सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । गण्डकी प्रदेशमा सतारुढ दल नेपाली काङ्रेसले पनि मन्त्री बन्नेहरुको टुङ्गो लगाएको छ ।
मन्त्री बन्नेहरुमा विन्दु कुमार थापा ,मणिचन्द्र शर्मा र मेखलाल श्रेष्ठ रहेका छन । यस अघि भने कांग्रेसले दोबाटे विकलाई मन्त्री बनाउने निर्णय गरिएको थियो ।
यदपी विकको ठाउमा विन्दुकुमार थापालाई मन्त्री बनाउने भएको छ । यसअघि विकको नाम चयन गरेको कांग्रेसले पछि फेरि उनको नाम हटाएर थापालाई मन्त्री बनाउने निर्णय गरेको हो । दोबाटे कांग्रेस बरिष्ठ नेता रामचन्द्र पौडेल निकट हुन् । व्यापारिक पृष्ठभूमिबाट आएका थापा पार्टी सभापति शेरबहादुर देउवा निकट छन् ।
उनी स्थानीय तहको चुनावमा पोखरा महानगरपालिकाको मेयरका आकांक्षी थिए । उनले प्रतिनिधिसभा चुनावमा पनि टिकटको दाबी गरेका थिए । तर पछि प्रदेशसभाको टिकट पाएका थिए ।
कांग्रेसले गण्डकी प्रदेशमा मणिचन्द्र शर्मा र मेखलाल श्रेष्ठलाई पनि मन्त्री बनाउने निर्णय गरेको छ । श्रेष्ठ गोपालमान श्रेष्ठका आफन्त हुन् । श्रेष्ठ पनि व्यापारिक पृष्ठभूमिका नेता हुन् ।
सत्ता साझेदार प्रमुख दल माओवादी केन्द्रले बिहीबार ३ जनाको नाम टुंग्याएपछि मुख्यमन्त्री पोखरेलले आफ्नो पार्टीबाट पनि थप ३ जनालाई समेटेर मन्त्रिपरिषद्लाई पूर्णता दिन लागेका छन् ।
माओवादी केन्द्रले कास्कीका रामजी बराल ‘जीवन’, बागलुङका चन्द्रबहादुर बुढा र स्याङ्जाका दीपक चर्तीमगरको नाम सिफारिस गरेको छ ।
माओवादीबाट सिफारिस पार्टी संसदीय दलका उपनेता बराललाई अर्थ, बुढालाई भूमि व्यवस्था, कृषि, सहकारी तथा गरिबी निवारण र चर्तीमगरलाई वन, वातावरण तथा भू–संरक्षण मन्त्रालयको जिम्मेवारी दिइने भएको सरकारका प्रवक्ता एवम् शिक्षा तथा सामाजिक विकास मन्त्री कुमार खड्काले जानकारी दिए । माओवादी केन्द्रकी मधु अधिकारी गुरुङलाई भने यसअघि नै स्वास्थ्यमन्त्री बनाइसकिएको छ ।
