सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले ६ जना मन्त्रीहरुलाई पद तथा गोपिनियताको सपथ खुवाएको छ ।
उनले आज शुक्रबार ६ जना सांसदलाई मन्त्री नियुक्त गर्दै प्रदेश प्रमुख सीताकुमारी पौडेल समक्ष सपथ खुवाएका हुन । माओवादी सांसद रामजी बराल आर्थिक मामिला तथा योजना मन्त्री नियुक्त भए ।
माओवादीकै दीपक चर्तीमगर वन तथा वातावरण र चन्द्रबहादुर बुढा कृषि तथा सहकारी मन्त्री भएका छन् । कांग्रेस सांसद मणिभद्र शर्मा कँडेल उद्योग पर्यटन मन्त्री नियुक्त भएका छन् । उनी बागलुङका हुन् ।
कास्कीका विन्दुकुमार थापा कानुन, सञ्चार तथा प्रदेश मामिला मन्त्री नियुक्त भएका छन् । स्याङ्जाका मेखलाल श्रेष्ठले सामाजिक विकास मन्त्रालयको जिम्मेवारी पाएका छन् ।
काँग्रेस सांसद डोबाटेको अन्तिम समयमा नाम काटिएको छ । तनहुँका डोबाटे विश्वकर्मा हिजो मन्त्री बनाउने सुचिमा थिए । तर उनको नाम हटाएर कास्की बाट कास्की क्षेत्र नम्बर २ ख बाट प्रत्यक्ष निवाचित काँग्रेस संसद विन्दुकुमार थापा गण्डकी प्रदेश सरकारको मन्त्री बनेका छन् ।
