सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका अध्यक्ष पुष्पकमल दाहाल प्रचण्ड राजनीतिक सत्ता समीकरण मिलाउन दौडधुपमा छन् । आज बिहानै प्रधानमन्त्री शेरबहादुर देउवालाई भेट्न बालुवाटार पुगेका प्रचण्ड अहिले एमाले वरिष्ठ नेता माधवकुमार नेपाललाई भेट्न कोटेश्वर पुगेका छन् ।
मन्त्रिपरिषद विस्तार र भागबण्डाका साथै माधव नेपाल समूहलाई सरकारमा सहभागी गराउने कानुनी र राजनीतिक जटिलताका विषयमा नेताहरूबीच छलफल भएको छ । देउवा नेतृत्वको सरकारमा सहभागी हुने मन्त्रीको संख्या र सहभागिताबारे प्रचण्डको अगुवाइमा छलफल भइरहेको छ ।
प्रधानमन्त्री देउवाले विश्वासको मत लिएपछि मन्त्रिपरिषद विस्तार गर्ने सत्ता गठबन्धनको तयारी थियो । एमालेका माधव नेपाल समूहको सरकारमा सहभागिताका विषयमा टुंगो नलागेपछि मन्त्रिपरिषद विस्तारमा ढिलाइ भइरहेको छ ।
सरकारमा सहभागिता जनाउन नेपाल समूहलाई कानुनी र राजनीतिक जटिलता छ । शीर्ष नेताहरूबीच अप्ठ्यारा फुकाउने विषयमा समेत परामर्श चलिरहेको छ ।
