आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष प्रचण्डबीच बालुवाटारमा भेटवार्ता भएको छ ।
माओवादी केन्द्रका अध्यक्ष प्रचण्ड मंगलवार (आज) विहान प्रधानमन्त्री देउवालाई भेट्न प्रधानमन्त्री निवास बालुवाटार पुगेका हुन् । आजको भेटघाटका क्रममा मन्त्रिपरिषद् विस्तारबारे छलफल भएको स्रोतले जनाएको छ ।
सत्ता सहकार्य गरिरहेको माओवादी केन्द्रबाट हाल देउवा नेतृत्वको मन्त्रीमण्डलमा २ जना सहभागी रहेका छन् । माओवादी केन्द्रसहित अन्य ४ गठबन्धनको सहभागी रहेको सरकारमा अन्य क–कसलाई सहभागी गराउने भन्ने विषयमा छलफल भइरहेको छ ।
स्रोतका अनुसार प्रधानमन्त्री शेरबहादुर देउवाले आज मन्त्रिपरिषद विस्तार गर्ने गर्दै छन् । देउवाले केही मन्त्री थप गर्न लागेको बालुवाटार स्रोतले जनाएको छ ।
असार २९ गते प्रधानमन्त्री नियुक्त भएका देउवाको मन्त्रिपरिषद हालसम्म ६ सदस्यीय मात्रै छ ।
