आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
पोखरा। बाढीपहिरोका कारण देशभर उत्पन्न विपत्ति र व्यवस्थापका सन्दर्भमा सरकारी तयारीबारे छलफल गर्न सभामुख अग्निप्रसाद सापकोटा र गृहमन्त्री बालकृष्ण खाणबीच भेटवार्ता भएको छ ।
सभामुख र गृहमन्त्री बीच आज सिंहदरवार स्थित सभामुख कार्यकक्षमा विपत तयारी बारे छलफल गरेका हुन । सभामुख सापकोटाले छलफलमा सिन्धुपाल्चोकलगायतका बाढी प्रभावित क्षेत्रहरूको बारेमा चासो राखेका थिए ।
सभामुखको जिज्ञासामा गृहमन्त्रीले विपत् संकटग्रस्त क्षेत्र घोषित सिन्धुपाल्चोकमा राष्ट्रिय विपत् जोखिम न्यूनीकरण तथा व्यवस्थापन प्राधिकरणको छुट्टै युनिट बनाएर विस्थापितहरूको पुनस्र्थापनाको काम अघि बढाउने जानकारी दिए ।
यस वर्ष मनसुनको सुरुवातसँगै मनाङ र सिन्धुपाल्चोकमा बाढीपहिरोबाटो ठूलो क्षति पुगेपछि सरकारले दुवै जिल्लालाई विपत् संकटग्रस्त क्षेत्र घोषणा गरेको छ ।
गत वर्ष पनि बाढीपहिरोका कारण ठूलो मानवीय र भौतिक क्षति भएपछि सिन्धुपाल्चोक र बाग्लुङलाई विपत् संकटग्रस्त जिल्ला घोषणा गरिएको थियो ।
सभामुख र गृहमन्त्रीबीच संसद्को चालू अधिवेशनमा विधेयकहरू अघि बढाउनेलगायतका विषयमा पनि छलफल भएको छ ।
