सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेको नेपाल समूहको केन्द्रीय कमिटीको बैठक आज पनि बस्ने भएको छ । काठमाडौंको बुद्धनगरस्थित क्वालिटी क्याङ्कवेटमा बैठक बस्न लागेको हो । आज विहान साढे ११ बजेबाट सुरु हुने बैठकमा केन्द्रीय सदस्यहरुले आ–आफ्नो धारणा राख्नेछन ।
हिजोबाट सुरु भएको बैठकमा पार्टीको अन्तरबिरोधका विषयमा नेताहरुले आफ्नो धारणा राखेका थिए । बिहीबार बोल्ने अधिकांश सदस्यहरुले १० बुँदे सहमति एकताका लागि पर्याप्त नभएको बताएका थिए । बैठकमा नेपाल पक्षका कार्यदलको संयोजक भीम रावलले १० बुँदे सहमतिको ब्रिफिङ गरेका थिए ।
बैठकमा धारणा राखेका अधिकांश नेताहरुले पार्टी अध्यक्ष केपी शर्मा ओलीले संसद् विघटन गरेको विषयमा आत्मालोचना गर्नुपर्ने बताएका थिए। नेताहरुले पार्टी एकताका लागि सम्मानजनक रुपमा शक्तिको बाँडफाँट हुनुपर्नेमा जोड दिएका थिए ।
बैठकलाई सम्बोधन गर्दैै नेता माधवकुमार नेपालले अध्यक्ष केपी शर्मा ओलीको बोली पार्टी एकताको बाधक बनेको बताएका थिए । त्यस क्रममा नेता माधवकुमार नेपालले आफू जतिसुकै अपमान सहेर पनि पार्टी एकता जोगाउन लागिपर्ने बताएका थिए ।
