शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । नेकपा एमालेबाट विभाजित भएर बनेको माधव नेपालको पार्टीको नाम अब नेकपा (एकिकृत समाजवादी) प्रस्ताव गरिएको छ ।
यस अघि नेपालसमुहले भने नेकपा (एमाले समाजवादी) नाम प्रस्ताव गरिएको थियो । तर अर्को दलसंँग मिल्दो नाम राख्न नमिल्ने भएपछि राजेन्द्र पाण्डे लगायतका नेताहरू शुक्रबार निर्वाचन आयोग पुगेर नयाँ नाम नेकपा ( एकिकृत समाजवादी) प्रस्ताव गरेका हुन् ।
निर्वाचन आयोगका प्रवक्ता राजकुमार श्रेष्ठले नेपाल समुहले नयाँ नामको प्रस्ताव लिएर आएको बताएका छन । उनले पार्टी दर्ताको प्रक्रिया पुरा भएपछि यसबारेमा आयोगले अन्तिम निर्णय गर्ने जानकारी दिए ।
गत फागुन २३ गते तत्कालीन नेकपाको नामसम्बन्धि विवादमा अदालतले मिल्दोजुल्दो नाम राख्न नमिल्ने खालको फैसला गरेको थियो । त्यसैकारण तत्कालीन एमाले र माओवादी केन्द्रको एकीकरणबाट बनेको नेकपालाई नयाँ नाम तय गर्न अदालतले भनेको थियो ।
तर नेकपाले नयाँ नाम दिएन, त्यसपछि एमाले र माओवादी केन्द्र पुरानै दलको रुपमा ब्यूँतिएका थिए ।
