शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
भारतीय अभिनेता अक्षय कुमारले अभिनय गरेको ‘बेल बटम’लाई साउदी अरेबिया, कुवेत र कतारले प्रतिबन्ध लगाएका छन् । ऐतिहासिक तथ्यलाई तोडमोड गरेर देखाएको भन्दै तीन मुलुकले यो फिल्ममाथि प्रतिबन्ध लगाएका हुन् । फिल्मले समीक्षक र दर्शकबाट राम्रो प्रतिक्रिया पाइरहेको अवस्थामा साउदी, कुवेत र कतारले भने यसमाथि प्रतिबन्धको निर्णय गरेका हुन् ।
समाचारमा जनाइएअनुसार यो फिल्ममा सन् १९८० को दशकमा भएको विमान अपहरणको घटनालाई देखाउने प्रयास गरिएको छ । फिल्ममा अपहरणकारीले विमानलाई पाकिस्तानको लाहोरबाट कुवेत लगेको देखाइएको छ । वास्तविकतामा भने उक्त विमानलाई यूएईका रक्षामन्त्री शेख मोहम्मद बिन रासिद अल माक्टुमले व्यक्तिगत रुपमा यो घटनालाई सम्हालेका थिए ।
यूएईको प्रशासनले नै अपहरणकारीलाई पक्राउ गरेको थियो । यही कारण खाडी मुलुकले यो फिल्ममाथि प्रतिबन्ध लगाएको हुनसक्ने समाचारमा उल्लेख छ । ‘बेल बटम’मा भानी कपुर, लारा दत्त, हुमा कुरेसी, अदिल हुसेनलगायतका कलाकारले पनि मुख्य भूमिकामा अभिनय गरेका छन् । एजेन्सीहरुको सहयोगमा
