शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
भीम रावल एमसीसीको विरोध जस्ता विभिन्न कारणले एमाले भित्र प्रभावशाली र चर्चित पात्र ठानिन्थे । यसको पछाडी उनको संगठित शक्ति पनि थियो । सुदुरपश्चिम प्रदेशमा सबैले उनलाई अगुवा नेताको रुपमा स्वीकारले निर्देशन मान्थे । तर अहिले एमाले नै विभाजित भए पछि र स्वयं भीम रावलले शुरुमा आफूले साथ दिएका माधव नेपाललाई नै छाडेर एमालेतिरै बसेपछि भने रावलको आफ्नै शक्ति कमजोर बन्न थालेको छ ।
जिल्लाकै प्रभावशाली नेताहरुले भीम रावलको साथ छाड्दै समाजवादीतिर लागेका छन् । सुदुरपश्चिम प्रदेश संसदीय दलकी सचेतक दुर्गा कुमारी विक, जिल्लाबाटै राष्ट्रिय सभा सदस्य रहेका शेर बहादुर कुवंर लगायत बलियो जिल्लाको टिम समाजवादीतिर लागेको छ । यसले भीम रावलको प्रभाव कम पर्ने अनुमान शुरु भएको छ । त्यसै गरी सुदुरपश्चिम प्रदेशमा पहिला रावलकै पछि लागेर माधव नेपालको टिममा उभिएका १७ जना प्रदेश सांसद मध्य १३ जना समाजवादीतिर लाग्ने बताईएको छ । त्यो भनेको सुदुरपश्चिम प्रदेशमा कुल एमाले सांसदको संख्याको आधा भन्दा बढी हुन आँउछ ।
विभिन्न जिल्ला पार्टीका अध्यक्षहरु समेत समाजवादीतिर खुल्न थालेका छन् । सुदुरपश्चिम प्रदेशका एक प्रदेश सांसदले भीम रावल कुन प्रलोभन र दबाबमा पर्नु भयो थाहा छैन, पहिला उहाँलाई नेता मानेकै हो तर अहिले उहाँले हामीलाई छाड्नु भयो , यो स्थितिमा उहाँको पछि लाग्न सकिदैन । उनले नाम उल्लेख नगर्ने शर्तमा सुदुरपश्चिममा भीम रावलको जुन ब्राण्ड र शक्ति थियो, त्यो अब नरहने पनि दावी गरे ।
