मंगलवार, कार्तिक १८ गते २०८३
- ट्रेण्डिङ :
- # समाज
- # मनाेरञ्जन
सुदूरपश्चिम प्रदेशमा नेकपा एमालेका १० सांसदले पार्टी परित्याग गरेका छन् । उनीहरुले एमाले छाडेर माधव नेपाल नेतृत्वको (नेकपा एकीकृत समाजवादी) रोजेका हुन् । उनीहरुले आज निर्वाचन आयोगको कार्यालये पुगेर एकीकृत समाजवादीमा सनाखत गरेका हुन् । एकीकृत समाजवादीमा पूर्णा जोशी, कुलवीर चौधरी, सुशील बुढाथोकी, लाल बहादुर खड्का, माया भट्ट, चुन कुमारी चौधरी, अमर साउद, मना साउद, दुर्गा विक र बलबहादुर सोडारीले सनाखत गरेका छन् |
बाँकी केही सांसदको कागजात नपुगेर सनाखत हुन नसकेको बताइएको छ । एकीकृत समाजवादीले आफ्नो पक्षमा १४ सांसद रहेको दावी गरेको छ |
निर्वाचन आयोगले २२ गतेसम्म पार्टी रोज्न पाउने व्यवस्था गरेपछि सुदूरपश्चिम प्रदेशसभा सदस्यहरूले आज सनाखत गरेका हुन् । सुदूरपश्चिम प्रदेशमा एमालेका २५ सांसद थिए । माओवादी केन्द्रको १२, कांग्रेसका १२ र जसपाका २ सांसद रहेका छन् |
