शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । नेकपा एमालेका प्रदेश २ का ११ जना सांसदले नेकपा (एकीकृत समाजवादी)लाई रोजेका छन्। जनकपुरस्थित प्रदेश २ निर्वाचन कार्यालयमा बिहीबार १० जना भौतिक रूपमा र एक जनाले पत्रमार्फत एकीकृत समाजवादीको पक्षमा सनाखत गरेका हुन्।
प्रदेश सांसदहरु सत्रुधन महतो, मञ्जु यादव, चन्द्र सेन प्रसाद श्रीवास्तव, नागेन्द्र यादव, गोविन्द न्यौपाने, बेची लुंगेली, रवीन्द्र बैठा, हसिमा खातुन, अशोक यादव र प्रमोद यादवले एकीकृत समाजवादी रोजेको सांसद रविन्द्र बैठाले जानकारी दिए।
पत्रमार्फत भने क्यान्सर पीडित भई उपचाररत डिल्ली उप्रेतीले सनाखत गराएको प्रदेश सांसद बैठाले जानकाकरी दिए।
बैठाका अनुसार यसअघि नेपाल समूहमा खुलेका सुन्दरबहादुर विश्वकर्मा र सीता गुरुङले सनाखत गरेका छैनन्।
प्रदेश २ मा एमालेका २१ सांसद छन्।
