सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
चितवनका २६ जना जनप्रतिनिधि माधव नेपाल नेतृत्वको नेकपा एकीकृत समाजवादीमा आवद्ध भएका छन् । बिहीबार भरतपुरस्थित जिल्ला निर्वाचन कार्यालयमा उपस्थित भएर एमालेका स्थानीय तहका २६ जना जनप्रतिनिधिले एकीकृत समाजवादी पार्टीका पक्षमा सनाखत गरेका हुन् |
जसमध्ये १२ जना भरतपुर महानगरपालिका र १४ जना रत्ननगर नगरपालिकाका जनप्रतिनिधि छन् । भरतपुर महानगरपालिकाका ५ जना वडा अध्यक्षसहित १२ जना जनप्रतिनिधिले नेकपा एकीकृत समाजवादी रोजेका छन् । भरतपुर महानगरपालिका वडा नम्बर ७ का वडाअध्यक्ष राजेन्द्रमणि काफ्ले, ९ का वडाअध्यक्ष यमलाल कँडेल, १० का वडा अध्यक्ष अरुण पीडित भण्डारी, १२ का वडा अध्यक्ष नरेन्द्र कनदङ्वा र २२ का वडा अध्यक्ष विष्णु महतसहित १२ जना नेकपा एकीकृत समाजवादीमा सामेल भएका हुन् |
रत्ननगर नगरपालिकाका ३ जना वडा अध्यक्ष र ३ जना कार्यपालिका सदस्यसहित १४ जनाले बिहीबार नेकपा एकीकृत समाजवादीका लागि सनाखत गरेका हुन् । रत्ननगर नगरपालिका वडा नम्बर ९ का वडा अध्यक्ष रोशन आचार्य, १४ का वडा अध्यक्ष हरिकुमार श्रेष्ठ, १५ का वडा अध्यक्ष होमनाथ लामिछाने तथा कार्यपालिका सदस्यहरु कृष्णहरि परियार, राजेन्द्र हमाल र निर्मला खड्कासहित १४ जना नेकपा एकीकृत समाजवादीमा आवद्ध भएका छन् |
भदौ २२ गतेसम्म सनाखत गर्ने समयसीमा रहेकाले नेकपा एमालेबाट निर्वाचित अझै केही जनप्रतिनिधि नेकपा एकीकृत समाजवादी पार्टीमा खुल्ने छन् |
