श्रावण २२, २०७७ बिहिवार
•
१०:४७:२१ बजे
राम चन्द्र तिम्सिना
(आवाज)
अभियन्ताको गर्जनसंग भड्किन्छ !
नागार्जुनको अस्थिपन्जरसंग तर्सिन्छ
दासढुङ्गाको भुत संग धड्किन्छ !!
किनकी उ कम्युनिस्ट हो !!!
निर्मलाको आत्मा भित्र किच्कन्य !
सालिकरामको फोटो भित्र मुर्कुट्टा देख्छ !
न्याय संग डराउँदैन, कानुन मान्दैन !
किनकी उ कम्युनिस्ट हो !!
बिस्तारवाद संग झुक्छ !
साम्राज्यवाद संग लुक्छ !
बिरोध गर्ने जनतालाई छानीछानी कुट्छ।
किनकी उ कम्युनिस्ट हो !!
माफियासंग मुत्छ।
दलालसंग सुत्छ,
गद्दारसंग हिड्छ ,
सोझासंग भिड्छ।
किनकी उ कम्युनिस्ट हो !!
सर्वहाराको झुपडी भत्काएर !
पुँजिपतिको महल टाल्छ,
गरिब किसान मारेर,
बिचौलिया पाल्छ,
किनकी उ कम्युनिस्ट हो !!
मार्क्सको फोटो टाँसेर, मोदि पाल्छ !
जबज जपेर, त्रिशुलिमा जिप फाल्छ!!
MCC समातेर अमेरिका तान्छ !!
किनकी उ कम्युनिस्ट हो !!
किनकि उ कम्युनिस्ट हो !!
