सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
बहिर्गमित जनमुक्ति सेना नेपालले अमेरिकी सहयोग परियोजना मिलेनियम च्यालेञ्ज कर्पोरेसन (एमसीसी) पारित नगर्न अपिल गरेको छ |
सोमबार विज्ञप्ति जारी गर्दै बहिर्गमित जनमुक्ति सेना केन्द्रीय संघर्ष समितिले एमसीसी राष्ट्रघाती रहेको दाबी गर्दै खारेज गर्न माग गरेको हो |
एमसीसी षड्यन्त्रपूर्ण ढंगले पास गराउने खेलमा लागे पास गराउन भूमिका खेल्ने सांसद्हरुको पहिचना गरी क्षेत्र/क्षेत्रबाट लखेट्ने चेतावनी समेत समितिले दिएको छ |
खबरदार दलालहरु होसियार २१औँ शताब्दीमा जनतालाई झुक्याउने प्रयास नगर्नुहोस् तपाईंहरुकै पटक–पटक बदमासीको कारण सबै जनता चलाख बनिसकेका छन् |
विज्ञप्तिमा भनिएको छ,तपाईंहरुले जे/जे बदमासी गरेपनि आम नागरिकले सहनु पर्ने हो त ?
अब कहिलेसम्म सहने सरकार ? अब अति भएन र ? राष्ट्रघाती एमसीसी षड्यन्त्रपूर्ण ढंगले पास गराउने खेलमा लाग्नुभयो भने जनमुक्ति सेना चुप लागेर बस्नेछैन |
एमसीसी पास गराउन भूमिका खेल्ने सांसद्हरुको पहिचना गरी क्षेत्र/क्षेत्रबाट भ्याकुर लखेटे झैँ लखेट्ने छौँ, समितिले गृह मन्त्रालयद्वारा जारी धम्कीपूर्ण विज्ञप्तिप्रति पनि आपत्ति जनाएको छ |
