शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपाल उत्पीडित जातीय मुक्ति समाजका अध्यक्ष गणेश विश्वकर्माले एमालेबाट निर्वाचित दलितसहित देशभरका जनप्रतिनिधिलाई नेपाल कम्युनिस्ट पार्टी (एकीकृत समाजवादी) मा आउन आह्वान गरेका छन् |
नेपाल उत्पीडित जातीय मुक्ति समाज नेकपा एमालेको जनवर्गीय संगठन हो, तर पार्टीका अध्यक्ष केपी शर्मा ओली र तत्कालीन वरिष्ठ नेता माधवकुमार नेपालको विवादसँगै यो पनि दुई खेमामा विभाजन भएको छ|
विश्वकर्माले नेतृत्व गरेको मुक्ति समाज नेपालनिकट भ्रातृ संगठन हो |
अध्यक्ष विश्वकर्माले मंगलबार बिहान वक्तव्य जारी गर्दै ‘विसर्जनवादतर्फ अघि बढेको नेकपा एमाले’ त्यागेर नेकपा (एकिकृत समाजवादी) रोज्न एमालेबाट निर्वाचित सबै जनप्रतिनिधिलाई अनुरोध गरेका हुन् |
‘दम्भ, अहंकार, स्वेच्छाचारिता, भ्रष्ट्राचार, कुशासन, अन्याय, अपमानपूर्ण व्यवाहार आदि हुँदै दक्षिणपन्थी अवसरवाद एवम् विसर्जनवादतर्फ अघि बढेको नेकपा एमालेबाट विद्रोह गर्दै नेकपा (एकिकृत समाजवादी) रोज्न सम्पूर्ण जनप्रतिनिधिहरूलाई उच्च सम्मान सहित हार्दिक आह्वान गर्दछु | उनले भनेका छन्, |
