- ट्रेण्डिङ :
पोखरा । नेकपा एमालेका अध्यक्ष एव निवर्तमान प्रधानमन्त्री केपी शर्मा ओली र एमसीसी उपाध्यक्ष फतिमा सुमार नेतृत्वको अमेरिकी प्रतिनिधि मण्डलबीच भेटवार्ता शुरु भएको छ ।"
ओली निवास बालकोटमा एमाले र एमसीसीका प्रतिनिधि मण्डलबीच छलफल भइरहेको छ ।"
छलफलमा एमालेबाट स्थायी कमिटी सदस्य विष्णु रिमाल, विदेश विभाग प्रमुख राजन भट्टराई, प्रचार विभाग उपप्रमुख सूर्य थापालगायत सहभागी छन् ।
यो भेटले एमसीसीबारे एमालेको पोजिसन स्पष्ट पार्ने अपेक्षा गरिएको छ ।
एमाले भित्र उपाध्यक्ष भीम रावललायतका नेताहरु भने एमसीसीको विपक्षमा स्पष्ट रुपमा उभिएका छन् ।
नेकपा एमाले एमसीसीबारे तत्काल धारणा नबनाउने
नेकपा एमाले अध्यक्ष केपी शर्मा ओलीले बालकोटमा बिहीबार भेट्न आइपुगेकी एमसीसी उपाध्यक्ष फतिमा सुमारलाई अमेरिकी अनुदान सम्झौता एमसीसीबारे तत्काल धारणा नबनाउने जवाफ दिएका छन् ।
एमालेको विदेश विभाग प्रमुख राजन भट्टराईका अनुसार सत्तारुढ दलहरुले एमसीसीबारे स्पष्ट धारणा बनाएपछि मात्र आफूहरुले पोजिसन क्लियर गर्ने ओलीले बताएका हुन् ।
एमसीसी उपाध्यक्ष फतिामा सुमार र सहायक उपाध्यक्ष जोनाथन बु्रक्ससहितको टोलीले एमाले अध्यक्ष केपी शर्मा ओलीसँग शिष्टाचार भेट गरेका हुन् ।
विहिबार बिहान त्रिभुवन विमानस्थलमा ओर्लिएकी सुमारले दिउँसोदेखि भेटघाट थालेकी हुन् । सबैभन्दा पहिलो भेट प्रमुख प्रतिपक्षी दल एमाले अध्यक्ष ओलीसँग गरेकी हुन् ।
ओलीलाई भेट्न सुमारसहित एमसिसीका नायब उपाध्यक्ष जोनाथन ब्रुक्सपनि दिउँसो उनको निवास बालकोट पुगेका हुन् । ओलीको सचिवालयले जनाए अनुसार एमसीसी टोलीले ओलीसँगको भेटपछि याक एण्ड यति होटलमा रहेको एमसीसी नेपालको कार्यालयमा पुग्ने कार्यक्रम रहेको छ ।
उपाध्यक्ष सुमारको टोलीले सम्झौताका विषयमा प्रधानमन्त्री शेरबहादुर देउवा र राजनीतिक दलका शीर्ष नेताहरुसँग भेटवार्ता गर्ने तालिका छ ।
भोली माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका संघीय परिषद्का अध्यक्ष बाबुराम भट्टराईलगायतका नेताहरुसाग भेटघाट गर्ने कार्यक्रम रहेको छ ।
प्रधानमन्त्री शेरबहादेर देउवासँगको भेट भने भोली (शुक्रबार) ४ बजे प्रधानमन्त्री कार्यालय सिंहदरबारमा हुने जनाइएको छ । नेपालको चारदिने भ्रमणका लागि विहिबार एमसीसीको उच्च नेतृत्व काठमाडौं आइपुगेका हुन् ।
उपाध्यक्ष सुमारले काठमाडौं आउनुअघि एमसीसीबारे नेपाली जनस्तरमा उठेको प्रश्नसहित सरकारले पठाएको पत्रको अमेरिकी दुतावासमार्फत जवाफ पठाएकी थिइन् । नेपाल आइपुगेका सुमार नक्सालस्थित मेरियट होटलमा बस्ने बताइएको छ ।
एमसीसी टोलीको विरोध हुने कार्यक्रम भएपछि काठमाडौंमा सुरक्षा व्यवस्था कडा पारिएको छ । नेपालमा एमसीसीको विरोधसमेत भइरहेको र सुमारको भ्रमणमा विरोध प्रदर्शन हुनसक्ने आकलन गर्दै स्थानीय प्रशासनले सुरक्षा व्यवस्था कडा पारेको हो ।
दिगो सामाजिक-आर्थिक विकासका लागि चार बर्षअघि अमेरिकाको सरकारी निकाय एमसीसीबीच सम्झौता भएपछि हुन लागेको यो पहिलो उच्चस्तरीय भ्रमण हो ।
