सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा माओवादी केन्द्रका नेता वर्षमान पुनले माओवादी केन्द्र देखिने र सुनिनेगरि जनताको बीचमा पुग्नुपर्ने बताएका छन् ।
माओवादी केन्द्रीय कार्यालयले शुरू गरेकाे पार्टी सदस्यहरूकाे डिजिटल विवरण अध्यावधिक गर्ने सफ्टवेयरकाे प्रदेश नं. १ का नेता तथा कार्यकर्ताहरूलाई प्रशिक्षण दिँदै यस्ताे बताएका हुन् ।
‘पार्टीलाई प्रविधिमैत्री, संस्थागत, देखिने र भेटिने पार्टी बनाउछौं, त्यसका लागि अध्यक्षदेखि स्थानीय तह सम्मका नेता कार्यकर्ता लाग्नुहोस्, नेता पुनले भने, ‘राष्ट्रिय सम्मेलनसम्म जाँदा माओवादीलाई २१ सताव्दी सुहाउँदो बनाउनु पर्दछ ।
अहिले विकास भएको आर्टिफिसियल ईन्टेलिजेन्सलाई प्रतिक्रियावादी तथा विस्तारवादीहरुले प्रयोग गरिरहेका छन्, अव त्यसलाई हामीले सर्वहारा वर्गको हितमा प्रयोग गराउने गरि काम गर्नुछ ।
नेता पुनले प्रदेश १ का नेता, कार्यकर्तालाई भर्चुअल माध्यमबाट प्रशिक्षण दिँदै पार्टीलाई आन्तिरिक हिसाबले व्यवस्थित बनाउने, सदस्यतालाई डिजिटल माध्यमबाट अध्यावधिक गर्ने र जनताको बीचमा देखिने र सुनिने गरी पुग्नका लागि निर्देशन दिएका हुन् ।
माओवादी केन्द्रीय कार्यालयले सुरु गरेको डिजिटल माओवादी बनाउने अभियान अन्तर्गत माओवादी केन्द्रका अध्यक्ष प्रचण्डले उद्घाटन गरी गण्डकीबाट सुरू भएकाे प्रशिक्षण आज प्रदेश १ मा प्रशिक्षण दिईएको थियो ।
गण्डकी र कर्णाली प्रदेशबाट माओवादीले शुरु गरेको डिजिटलाइजेशनको प्रकृया भोलि लुम्बिनी प्रदेशमा संचालन गरिने खकुरेलले बताएका छन् । माओवादीको डिजिटलाइजेशनको प्रकृयाको "उद्घाटन गण्डकी र कर्णाली प्रदेश"काे कार्यकर्तालाई प्रशिक्षण दिएर "अध्यक्ष प्रचण्ड"ले शुरुवात गरेका थिए ।
