शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
पोखरा । प्रमुख प्रतिपछी दल नेकपा एमालेले राष्ट्रिय सभामा अबरोध गरेपछी बैठक स्थगित भएको छ ।
सोमबार बैठक सुरु हुन साथ एमालेका राष्ट्रिय सभा सदस्यहरु उठेर विरोध जनाए पछी सभा अध्यक्ष गणेश तिमिल्सिनाले १५ मिनेटका लागि बैठक स्थगित गरेका हुन् ।
एमालेले प्रतिनिधिसभाका सभामुख अग्नि सापकोटाको भूमिकालाई लिएर संसद अवरोध गरिरहेको छ ।
एमाले विभाजनमा सभामुखको भूमिका रहेको उसको आरोप छ ।
यही विषयलाई लिएर राष्ट्रियसभा बैठक पनि अवरोध गरिएको हो ।
एमाले सर्वदलीय बैठकमा नआउनु भनेको निहुँ खोज्नु हो : सभामुखको सचिवालय
नेकपा एमाले नआए पनि सर्वदलीय बैठक बस्ने सभामुख अग्निप्रसाद सापकोटाको सचिवालयले जनाएको छ ।
एमाले प्रमुख सचेतक विशाल भट्टराईले सभामुख सापकोटालाई टेलिफोन गरेर एमाले बैठकमा सहभागी नहुने जानकारी गराएका बेला सभामुखको सचिवालयले एमाले नआउँदैमा बैठक नरोकिने स्पष्ट पारेको हो ।
सभामुखका प्रेस सल्लाहकार श्रीधर न्यौपानेले एमाले उपस्थित नभए पनि बैठक बस्ने जानकारी दिए ।
सभामुखको सचिवालयका एक सदस्यले आफैं सदन सञ्चालन गर्न सभामुखले प्रतिपक्षसँग सम्वाद गरेन भन्ने अनि बोलाएको बैठकमा पनि नआउने भनेर एमालेले जहाँबाट पनि निहुँ खोज्ने काम गरेको गुनासो गरे ।
