सोमवार, कार्तिक १७ गते २०८३
- ट्रेण्डिङ :
- # समाज
- # मनाेरञ्जन
नेकपा एमालेका सुदूरपश्चिम इञ्चार्ज लेखराज भट्ट सुटुक्क कैलाली पुगेका छन् ।
सुदूरपश्चिम प्रदेश इञ्चार्जको विषयलाई लिएर एमाले उपाध्यक्ष भीमबहादुर रावलसँग विवाद चलिरहेकै बेला भट्ट कैलाली पुगेका हुन् ।
कैलाली पुगेका भट्टले गृह क्षेत्र गोदावरी नगरपालिका र गौरिगंगा नगरपालिकाका जनप्रतिनिधिसँग भेट गरेका छन् ।
लेखराज भट्टका स्वकीय सचिव उद्धव भट्टराईले भोलि (मंगलबार) कञ्चनपुरको सुख्खा बन्दरगाहका बारेमा छलफल भएकाले सोही छलफलमा सहभागी हुन कैलाली आएको बताए ।
यसैगरी बुधबार कैलालीको गेटामा निर्माणाधीन मेडिकल कलेजका बारेमा छलफल रहेको उनले बताए । ‘यहाँका विकासका सवालमा छलफल गर्न इञ्चार्जज्यू कैलाली आउनु भएको हो |
स्वकीय सचिव भट्टराईले भने, ‘दुई दिनसम्म यहाँका विकास निर्माणका काममा छलफल हुने छ ।’ स्वकीय सचिव भट्टराईले एमाले सुदूरपश्चिम प्रदेश इञ्चार्जकै रुपमा "लेखराज" कैलाली आएको दाबी गरे |
भोलि एमालेको केन्द्रीय कमिटी बैठक छ,’ उनले भने, ‘सो बैठकले जिम्मेवारी हेरफेर गरे उहाँको भूमिका फेरिन सक्ला । तर अहिले इञ्चार्ज उहाँ नै हो, सुदूरपश्चिममा इञ्चार्जकै भूमिकामा आउनुभएको हो |
